Rreth nesh
Mirë se erdhe në Workinginconstruction.be
Një platformë e krijuar për të ndihmuar punëtorët e ndërtimit që punojnë në Belgjikë të kenë qasje të thjeshtë dhe të kuptueshme në informacion mbi të drejtat e tyre sociale. Kjo nismë ka për qëllim të rrisë ndërgjegjësimin për legjislacionin social në sektorin e ndërtimit dhe të kontribuojë në krijimin e një vendi pune të ndershëm, transparent dhe të sigurt.
Çfarë bëjmë?
Workinginconstruction.be ka për qëllim të ndihmojë punëtorët e ndërtimit të kuptojnë më mirë të drejtat e tyre në vendin e punës, në mënyrë të thjeshtë, të qartë dhe të lehtë për t’u ndjekur. Pavarësisht nëse bëhet fjalë për pagat, kushtet e punës apo strehimin, ne ofrojmë informacion të qartë dhe të kuptueshëm, i cili është i përshtatur posaçërisht për sektorin e ndërtimit. Në këtë mënyrë punëtorët i dinë mirë të drejtat e tyre. Gjithashtu i mbështesim ata të bëjnë një raportim nëse ndihen të shqetësuar për kushtet apo situatën e tyre në vendin e punës.
A dëshiron të informosh dhe të rrisësh ndërgjegjësimin e punëtorëve në kantieret e organizatës suaj lidhur me të drejtat e tyre? Përdor në këtë rast toolbox meeting i cili ofron një udhëzues të thjeshtë për ta trajtuar këtë temë në mënyrë të qartë dhe të përmbledhur brenda 20 deri në 25 minutash.
Përse këtë platformë?
Sektori i ndërtimit në Belgjikë është një sektor dinamik dhe shpesh kompleks, me shumë punëtorë të huaj. Për fat të keq, punëtorët shpesh nuk janë të informuar mirë për të drejtat e tyre ose nuk e dinë gjithmonë se ku mund të drejtohen për ndihmë. Workinginconstruction.be ofron një burim të besueshëm informacioni, që është njëkohësisht i kuptueshëm dhe i lehtë për t'u përdorur. Ne duam të sigurohemi që çdo punëtor t’i njohë të drejtat e veta dhe të dijë ku të drejtohet në rast shqetësimesh.
Kush jemi ne?
Workinginconstruction është rezultat i bashkëpunimit ndërmjet 23 organizatave, me iniciativë të Lantis dhe konsorciumeve të kompanive ndërtuese të përfshira në projektin Oosterweel. Përmes kësaj platforme, ne synojmë të kontribuojmë në një mjedis pune të drejtë, të hapur dhe të sigurt për çdo punëtor në sektorin e ndërtimit.
Bashkëpunimin e nisur në vitin 2024 e vazhdojmë më tej në Lerend Netwerk Social Compliance. Me Lerend Netwerk ne shkëmbejnë njohuri praktike dhe përvoja mbi përputhshmërinë sociale, kushtet e punës, të drejtat sociale dhe strehimin e punëtorëve.
Një iniciativë e
Në bashkëpunim me
Me mbështetjen e
